Голата торта или со други зборови торта којашто не е обложена со глазура, шлаг или крем е една од најпознатите креации на денешните слаткари. Уникатноста на оваа торта се состои во тоа што дозволува да наѕрете во нејзината внатрешност пред истата да биде исечена на парчиња.
Доколку посакувате ваков вид на торта, добро размислете околу изборот на состојките, видот на корите и вкусот на филот. Иако на прв поглед изгледа прилично рустично и по малку неуредно, голата торта може да се збогати со најразлични украси и да биде совршен одраз на вашиот вкус и сензибилитет. Свежите овошни плодови, зеленилото, или пак цветовите, совршено се вклопуваат во овој тип на торти. Изберете го она што најмногу одговара на вашиот вкус и е во склад со останатите свадбени елементи.
Да не должиме многу, погледнете ги следните примери на голи свадбени торти кои нам ни се допаднаа.
